ദയാ ഹര്‍ജി

പ്രിയ ബൂലോക സുഹൃത്തുക്കളെ,

മുകളിലെ ചിത്രത്തില്‍ കാണുന്ന സുന്ദരനായ ചെറുപ്പക്കാരനെ നിങ്ങള്‍ അറിയുമോ?

കാണാന്‍ അതി സുന്ദരനും സ്വഭാവം , വായില്‍ വിരലിട്ട്‌ കൊടുത്താല്‍ പോലും കടിക്കാതെ അപ്പാടെ വിഴുങ്ങുകയും ചെയ്യുന്നത്രേം പാവമായ ഈ യുവാവ് അതി കഠിനമായ ഒരു രോഗതാല്‍ വലയുന്നവന്‍ ആണെന്ന കാര്യം നിങ്ങളെ വ്യസന സമേതം അറിയിച്ചു കൊള്ളട്ടെ.

വൈദ്യ ശാസ്ത്രം പോലും പടിയടച്ചു പിണ്ഡം വെച്ചിരിക്കുന്ന ഈ യുവാവിനെ ബാധിച്ചിരിക്കുന്ന മാരക രോഗം "ബ്ലോഗ് ഡിപ്രഷന്‍" എന്നാണ് അറിയപെടുന്നത്. ഇതിന്റെ ശാസ്ത്രീയ നാമം "blog without commentsaania" എന്നാണ്. മലയാളത്തില്‍ ഈച്ചയെ ആട്ടി ഇരിക്കല്‍ എന്നും പറയും

താന്‍ എഴുതുന്ന എല്ലാം അതി ശ്രേഷ്ടവും മഹത്തരവും ആണെന്ന് സ്വയം വിശ്വസിക്കുകയും എന്നാല്‍ വായിക്കുന്ന ഒരാള്‍ക്ക്‌ പോലും അങ്ങനെ തോന്നാതിരിക്കുകയും ചെയ്യുന്നതാണ് ഈ അസുഖത്തിന്റെ പ്രാരംഭ ലക്ഷണം. ലോകം മുഴുവനും താന്‍ എഴുതിയതൊക്കെ വായിച്ചു കൊണ്ടിരിക്കുകയാനെന്ന അബദ്ധ ധാരണയാല്‍ ഓരോ പത്തു നിമിഷം കൂടുമ്പോഴും തന്റെ ബ്ലോഗ് തുറന്നു നോക്കി അതില്‍ ഒന്നും കാണാതെ അതി കഠിനമായ ഡിപ്രഷന്‍ (അതി കഠിനമായ വയറു വേദന എന്നൊക്കെ പറയുമ്പോലെ ) അനുഭവിക്കുകയാണ് ഈ പാവം പാവം ചെറുപ്പക്കാരന്‍ .

ഇതിന്റെ ഫലമായി കൂടുതല്‍ കൂടുതല്‍ വഷലത്തരങ്ങള്‍ തന്റെ ബ്ലോഗില്‍ വീണ്ടും വീണ്ടും പോസ്റ്സ് ചെയ്യാന്‍ മുതിരുകയും കൂടുതല്‍ കൂടുതല്‍ വയറു വേദന അനുഭവിക്കുകയും ചെയ്യുന്നു ഈ ഹത ഭാഗ്യന്‍. ക്രമേണ ഇദ്ദേഹം തന്റെ മനസ്സിലെ എഴുത്തുകാരനെ കുരുടോന്‍ കൊടുത്തു കൊല്ലാനും സാധ്യതയുണ്ട്. (ഹാവൂ,, ആശ്വാസം!!! എന്ന് കരുതാന്‍ വരട്ടെ,, )


ആയതിനാല്‍ ഇതു വഴി പോകുന്ന എല്ലാവരും എന്തേലും രണ്ടുവരി ഇവിടെ കുത്തികുറിച്ചുപോകാന്‍ അതിയായി താല്പര്യപെടുന്നു.(ചുമ്മാ രണ്ടു തെറിയെങ്കിലും പറഞ്ഞിട്ടു പോടേയ്).

നിങ്ങളുടെ ഓരോ കംമെന്റ്സിനും ഇദ്ദേഹത്തിന്റെ ബ്ലോഗായുസ്സിലേക്ക് ഓരോ മണിക്കൂര്‍ വീതം പ്രദാനം ചെയ്യാന്‍ കഴിയുമെന്നും അറിയിച്ചു കൊള്ളട്ടെ.